You are here: Skip Navigation LinksFeMSEDA Web Portal

 

FeMSEDA Web Portal
 
========================================
Survey of Urban Micro and Small Enterprises in Ethiopia, 2015
የኢንተርፕራይዞች የካይዘን ትግበራ የተሻለ ተሞክሮ ቅመራ ሰነድ (ሚያዚያ 2007 ዓ.ም)
__________________________________________
የካይዘን የስራ አመራር ስርዓት ትግበራ ጋይድላይን __________________________________________
የካዘን ስራ አበራር ስርዓት ፍልስፍና የትግበራ ድጋፍ አሰጣጥ ጋይድላይን __________________________________________
የኢንተርፕራይዞችን ኦዲት ስለማድረግ የተላለፈ ሰርኩላር __________________________________________
የ2006 ዓ/ም የሞዴል ኢንተርፕራይዞች የምርት ካታሎግ __________________________________________
የካይዘን ስልጠና ሰነዶች ለማውረድ እዚህ ይጫኙ ========================================
ሰሞናዊ ዜና
____________
የፌዴራል የጥቃቅንና አነስተኛ ኢንተርፕራይዞች ልማት ኤጀንሲ አመራርና ሰራተኞች ለኤጀንሲው ዋና ዳይሬክተር የሽኝት ፕሮግራም አዘጋጁ

(ጥቅምት 19 ቀን 2008 ዓ.ም) - የጥቃቅንና አነስተኛ ኢንተርፕራይዞች ልማት ኤጀንሲ አመራርና ሰራተኞች ኤጀንሲውን ባለፉት አምስት ዓመታት በዋና ዳይሬክተርነት ሲመሩ ለቆዩትና አዲስ በተቋቋመው የኮንስትራክሽን ሚኒስቴር በሚኒስትር ዴኤታነት ለተሹሙት አቶ ገብረ መስቀል ጫላ ጥቅምት 18/2008 ዓ.ም በኤጀንሲው የመሰብሰቢያ አዳራሽ የሽኝትና የምስጋና ፕሮግራም አዘጋጁ፡፡

በሽኝት ፕሮግራሙ ላይ የዋና ዳይሬክተሩን የአመራር ቆይታ በማስመልከት ገለፃ ያደረጉት የኤጀንሲው የህዝብ ግንኙነትና ኮሙኒኬሽን ዳይሬክቶሬት ዳይሬክተር አቶ አሰፋ ፈረደ አቶ ገብረ መስቀል ጫላ ቀደም ሲል በደቡብ ብሔሮች ብሔረሰቦችና ህዝቦች ክልል በተለያዩ የስራ መስኮች በሃላፊነት መስራታቸውን አስታውሰው፣ ኤጀንሲውን እንዲመሩ ከመንግስት በተሰጣቸው ከፍተኛ የስራ ሃላፊነት በስትራቴጅው መነሻነት ለስራ ማስተግበሩያ የሚሆኑ መመሪያዎችንና ማንዋሎችን እንዲዘጋጁ ከማድረግ ጀምሮ በዘርፉ ቀደም ሲል ይታይ የነበረውን የአመለካከት ችግር እንዲለወጥ በማድረግ ዛሬ ላይ ዘርፉ ከ10.6 ሚሊዮን በላይ ዜጎች የስራ ዕድል ተጠቃሚ እንዲሆኑ በየደረጃው የሚገኙ አመራርና ሰራተኞችን በመምራት ቁልፍ ድርሻ እንደነበራቸው ገልፀዋል፡፡

አቶ ገ/መስቀል ጫላ ሰርተው የሚያሰሩ ከመሆናቸውም በላይ ባለፉት አምስት ዓመታት ተቋሙ ውጤታማ እንዲሆን የዋና ዳይሬክተሩ በሳል የአመራር ሰጪነት ሚናቸው ከፍተኛ እንደነበር በፕሮግራሙ ላይ አስተያየት የሰጡት የዘርፍ አመራሮች ገልፀዋል፡፡

በመጨረሻም የዝግጅቱ ተሳታፊ የሆኑት አመራርና ሰራተኞች ተጋባዥ እንግዶች ኤጀንሲውን በውጤታማ መንገድ በመምራት ያሳዩትን ጥንካሬ በአዲሱ ተልኳቸውም እንደሚደግሙት በመግለፅ ጥሩ የስራ ዘመን እንዲሆንላቸው መልካም ምኞታቸውን ገልፀውላቸዋል፡፡ አቶ ገ/መስቀል በበኩላቸው ለተደረገላቸው አክብሮት ሁሉ በማመስገን "በዘርፉ የተመዘገበው ውጤት በየደረጃው የሚገኙ አመራርና ሰራተኞች ድምር ውጤት በመሆኑ ሁላችንም ልንኮራ ይገባል" በማለት በቀጣይም የዘርፉን ተልዕኮ ለማሳካት አሁን በተፈጠረው መነቃቃት በዘርፉ የሚገኙ አመራርና ሰራተኞች የበለጠ መስራት ይኖርባቸዋል ሲሉ መልክታቸውን አስተላልፈዋል፡፡ _________________________________________
በመጀመሪያው የእድገትና ትራንስፎርሜሽን ዕቅድ ዘመን በዘርፉ ልማት ጀማሪ የልማት ሰራዊት መገንባት መቻሉ ተገለፀ!

(ጥቅምት 10 ቀን 2008 ዓ.ም) - አመርቂ ውጤት በማስመዝገብ የተደመደመው የመጀመሪያው የእድገትና ትራንስፎርሜሽን ዕቅድ አፈፃፀም ሁሉን አቀፍ የልማትና የኢኮኖሚ እድገት ማምጣት የመንግስት ዋንኛ አጀንዳ መሆኑን በተጨባጭ የተረጋገጠበት መሆኑን የጥቃቅንኛ አነስተና ኢንተርራይዞች ልማት ምክር ቤት ሰብሳቢና የከተማ ልማት፣ ቤቶችና ኮንስትራክሽን ሚኒስቴር ሚኒስትር ክቡር አቶ መኩሪያ ኃይሌ አስታወቁ፡፡

መስከረም 19/2008 ዓም በካፒታል ሆቴል የተካሄደውን የጥቃቅንና አነስተኛ ኢንተርፕራይዞች ልማት ም/ቤት የ2007 በጀት ዕቅድ አፈፃፀም ግምገማ በንግግር የከፈቱት ክቡር ሚኒስትሩ ከ2004 ዓም አጋማሽ ጀምሮ በየደረጃው በተቋቋሙት የጥቃቅንና አነስተኛ ኢንተርፕራይዞች ልማት ምክር ቤቶች አማካኝነት የዘርፉን የልማት ስራዎች በጋራ የማቀድ፣ የመፈፀምና የመከታተል ሥራ በጥብቅ ዲሲፕሊን መፈፀሙ ለተመዘገበው ውጤት ጉልህ ሚና እንደነበረው አስረድተዋል፡፡ በሌላ በኩል በዘርፉ ልማት የተቀመጡትን ግቦች ከዳር ለማድረስ በልማት ሰራዊት አግባብ መንቀሳቀሱ ቁልፍ ጉዳይ መሆኑን በመገንዘብ የዘርፉ ልማት የሰራዊት ግንባታ ጋይድ ላይን በማዘጋጀት በየደረጃው ተፈፃሚ ለማድረግ በተደረገው ጥረት ልማቱን በተቀናጀ ሁኔታ ለመምራት የሚያስችል አቅም ለማጎልበት መቻሉን ክቡር ሚኒስቴሩ ጠቅሰው ይህን ተከትሎም ለቀጣይ የዘርፉ የእድገትና ትራንስፎርሜሽን ዕቅድ አፈፃፀም ብሎም እንደ ሀገር ለታቀዱት ለሌሎች የልማት አጀንዳዎች ተሞክሮ ሊሆን የሚችል ጀማሪ የልማት ሰራዊት መገንባት መቻሉን አብራርተዋል፡፡
በእለቱ የምክር ቤቱ ሴክሪተሪያትና ስትሪንግ ኮሚቴዎች የ2007 በጀት ዓመት ዕቅድ አፈፃፀም ሪፖርት እንዲሁም የአንድ ማዕከል አገልግሎት መስጫ ጣቢያዎችን በደረጃ ለመመደብ የተዘጋጀ ጋይድ ላይን ቀርቦ በምክር ቤቱ አባላት ውይይት ተደርጎበታል፡፡
የዘርፉ ፈፃሚና ባለድርሻ አካላት ቅንጅት ከጊዜ ወደ ጊዜ መሻሻሉ፣ በጥራት ላይ አተኩሮ ከመስራትና የመተግበር አቅምን ከማሳደግ አኳያም አበረታች ለውጥ በዘርፉ እየተስተዋለ መሆኑ የምክር ቤቱ አባላት አስተያየት የሰጡባቸው ነጥቦች ሲሆኑ በማሽነሪና ኤሌክትሪክ ሃይል አቅርቦት እንዲሁም ቋሚ የስራ እድልን ከማስፋት እንፃር የሚስተዋሉ ማነቆዎችን ለመፍታት የሚደረገው ጥረት በቀጣይም ተጠናክሮ ሊቀጥል እንደሚገባ ጠቁመዋል፡፡
በ2ኛው የእድገትና ትራንስፎርሜሽን ዕቅድ ዘመን የከተሞችን የምግብ ዋስትና ለማረጋገጥ የሚያስችል ፕሮግራም በአስራ አንድ ከተሞች ተግባራዊ እንደሚደረግ በዕለቱ የተገለፀ ሲሆን ፕሮግራሙን ውጤታማነት ለማረጋገጥ የሚያስችሉ የድጋፍና ከትትል ስራዎችን ማከናወን፣ በማኑፋክቸሪንግ ዘርፍ ላይ ለተሰማሩ ኢንተርፕራይዞች አስፈላጊ የሆኑ ማሽነሪዎችን ከማቅረብ ረገድ እያጋጠሙ የሚገኙ ማነቆዎችን መፍታት እንዲሁም በውጤት ላይ የሚረባረብ በዘርፉ ብቁ የልማት ሰራዊት ለመገንባት የሚያስችሉ ምርጥ ተሞክሮዎችን መቀመር የቀጣይ የምክር ቤቱ የትኩረት አቅጣጫዎች እንደሚሆኑ በስብሰባው ማጠቃለያ ላይ የምክር ቤቱ ሰብሳቢና የከተማ ልማት ቤቶችና ኮንስትራክሽን ሚኒስቴር ሚኒስትር ክቡር አቶ መኩሪያ ኃይሌ አስታውቀዋል፡፡ _________________________________________
ከመልካም አስተዳደር ችግሮች ጋር ተያይዞ በአዲስ ዘመን ጋዜጣ ላይ የወጣው ዘገባ ኤጀንሲውን እንደማይገልፅ ሰራተኞች አስታወቁ

(ጥቅምት 10 ቀን 2008 ዓ.ም) - የፌዴራል የጥቃቅንና አነስተኛ ኢንተርፕራይዞች ልማት ኤጀንሲ አመራርና ሰራተኞች ማክሰኞ ጥቅምት 9/2008 ዓም በኤጀንሲው የሥብሰባ አዳራሽ ባካሄዱት ስብሰባ ጥቅምት 5/2007 ዓም ‹‹የኤጀንሲው ሰራተኞች የመልካም አስተዳደር ችግርና ብልሹ አሰራር ነግሷል አሉ›› በሚል ርዕስ የወጣው ዘገባ በእውነታ ላይ ያልተመሰረተና የኤጀንሲው ሰራተኞች አቋም ያለመሆኑን ገለፁ፡፡

በመድረኩ ላይ የኤጀንሲው ሰራተኞች ሰኞ ጥቅምት 8/2008 ዓም ዘገባዎቹን አስመልክቶ ባካሄዱት የ1ለ5 እና የልማት ቡድን ስብሰባዎች የደረሱበት የጋራ አቋም በልማት ቡድን ተወካዮቻቸው አማካይነት ቀርቦ ውይይት ተካሂዶበታል፡፡ በመጀመሪያው የእድገትና የትራንስፎርሜሽን ዕቅድ ዘመን ከ10.6 ሚሊዮን በላይ ለሚሆኑ ዜጎች በመላ ሀገሪቱ የስራ እድል በመፍጠር በእቅድ ዘመኑ የላቀ አፈፃፀም ካስመዘገቡ ተቋማት መካከል ኤጀንሲው በግንባር ቀደምነት የሚጠቀስ መሆኑን በስብሰባው ወቅት አስተያየት የሰጡ ሰራተኞች ጠቅሰው ይህ ውጤት የተመዘገበው የኤጀንሲው ማህበረሰብ ተግባብቶና ተናቦ መስራት በመቻሉ እንጂ አምባገነናዊ አካሄድ የነገሰበት ተቋም ያለመሆኑ ማሳያ እንደሆነ አስረድተዋል፡፡ ከዚሁ ጋር አያይዘው ቅሬታውን አቅርበዋል የተባሉት ሰራተኞች የብዙሃን ሰራተኞች ውክልና እንደሌላቸው የጋዜጣው ዝግጅት ክፍልም ዘገባውን ለንባብ ከማብቃቱ በፊት ይህን የማረጋገጥ ሃላፊነቱን አለመወጣቱ አግባብ አለመሆኑን በአቋም መግለጫቸው ላይ አመልክተዋል፡፡

በኤጀንሲው የሚካሄደው የሰራተኞች ቅጥር፣ የደረጃ እድገትና የመሳሰሉት የሰው ሃይል አስተዳደርም ሆኑ የፋይናንስ ስራዎች የመንግስትን መመሪያ ተከትለው የሚፈፀሙና በሂደቱም የሚመለከታቸው በየደረጃው የሚገኙና ውክልና የተሰጣቸውን የስራ ሃላፊዎችን ተሳታፊ ያደረጉ እንጂ በዘገባው ላይ በቀረበው መልኩ በአንድ ግለሰብ ፈቃደኝነት ላይ ብቻ ተመስርቶ የሚከናወኑ አለመሆናቸው ተጠቁሟል፡፡ በኤጀንሲው የሚሰሩ እያንዳንዱ ስራዎችም ሆኑ የሚተላለፉ ውሳኔዎች ተፈፃሚነት የሚኖራቸው የኤጀንሲው ሰራተኞች በ1ለ5 እና በልማት ቡድን ስብሰባዎች በግልፅ ተወያይተው ከተስማሙባቸውና የጋራ ካደረጓቸው በኋላ መሆኑም ተጠቁሟል፡፡

በተለያዩ ጊዜያት በኤጀንሲው ንብረት ላይ የተፈፀሙትን ስርቆቶችን አስመልክቶም መረጃው እንደተባለው ከኤጀንሲው ማህበረሰብ የተደበቀ አለመሆኑንና በሚመለከታቸው የሥራ ክፍሎች ተገቢው ክትትልና የማጣራት ስራ እየተሰራ መሆኑን መላው ሰራተኛ መረጃው እንዳለው ጠቁመው በኤጀንሲው ስር የሚገኙ ፕሮጀክቶችን አስመልክቶም የዕቅድና ፕሮጀክት ክትትል ዳይሬክቶሬት አፈፃፀማቸውን እንደሚከታተልና በየወቅቱ በሚቀርቡ የአፈፃፀም ሪፖርቶች ውስጥም ፕሮጀክቶቹ ያሉበት ደረጃ ተካቶ እንደሚቀርብ በሰራተኞቹ አስተያየት ተሰጥቶበታል፡፡

በስብሰባው ማጠቃለያ ላይ የኤጀንሲው ሰራተኞች በህዝብና በመንግስት የተጣለባቸውን ሃላፊነት በ2ኛው የእድገትና ትራንስፎርሜሽን እቅድ ዘመን በላቀ ደረጃ ለማሳካት ከመቼውም በላይ ዝግጁ መሆናቸውን ገልፀው በስራ ሂደት የሚያጋጥሙ የመልካም አስተዳደር ችግሮችን ከመፍታትና ሃላፊነታቸውን ከመወጣት ይልቅ አፍራሽ ተልዕኮን አንግበው የሚንቀሳቀሱ ጥቂት ሰራተኞችን ታግሎ ወደ መስመር ለማስገባት በትኩረት እንደሚሰሩ ባለ 8 ነጥብ የአቋም መግለጫ በማውጣት ስብሰባው ተጠቃሏል፡፡ _________________________________________
8ተኛው የሰንደቅዓላማ ቀን በፌዴራል የጥቃቅንና አነስተኛ ኢንተርፕራይዞች ልምት ኤጀንሲ በድምቀት ተከበረ

(ጥቅምት 10 ቀን 2008 ዓ.ም) - "በህዝብ ተሳትፎ ህዳሴዋን በማረጋገጥ ሰንደቅ ዓላማዋን ከፍ ከፍ ለማድረግ እየተጋች ያለች ሀገር-ኢትዮጵያ" በሚል መሪ ቃል ለ8ተኛ ጊዜ የተከበረውን የሰንደቅ ዓላማ ቀን የኤጀንሲው አመራርና ሰራተኞች በፓናል ውይይት፣ በቃለ መሃላና ሰንደቅ ዓላማ በመስቀል ስነ-ስርዓት ጥቅምት 8/2008 ዓ.ም በድምቀት አከበሩ፡፡

የኤጀንሲው ዋና ዳይሬክተር አቶ ገብረ መስቀል ጫላ በዓሉን በንግግር ሲከፍቱ እንደተናገሩት የኢፌዴሪ ሰንደቅ ዓላማ የኢትዮጵያ ብሔሮች፣ ብሔረሰቦችና ህዝቦች ለዘመናት ሲናፍቁት የነበረውን የባህል፣ የቋንቋና የሃይማኖት እኩልነት እንዲረጋገጥና ሰብዓዊና ዴሞክራሲያዊ መብቶቻቸው እንዲከበሩ ያስቻለና ብሔራዊ መግባባትን የፈጠረ በመሆኑ ሁሉም የህብረተሰብ ክፍል ለሰንደቅ ዓላማው ልዩ ክብርና ትርጉም ሊሰጠው እንደሚገባ አጽንኦት ሰጥተው ገልፀዋል፡፡
ስምንተኛውን የሰንደቅ ዓላማ ቀንን ስናከብር በመጀመሪያው የእድገትና ትራንስፎርሜሽን እቅድ ትግበራ ዘመን የዘርፉን አፈፃፀም በስኬት አጠናቀን የሁለተኛውን የእድገትና ትራንስፎርሜሽን ዕቅድ ትግበራ በጀመርንበት ማግስት በመሆኑ ልዩ ያደርገዋል ያሉት ዋና ዳይሬክተሩ ዘርፉ እያስመዘገበ የመጣውን ተከታታይ የኢኮኖሚ እድገት ቀጣይነቱ እንዲረጋገጥና የዜጎች ህትሃዊ ተጠቃሚነት እንዲጎለብት እያንዳንዱ አመራርና ሰራተኛ የተጣለበትን ሃላፊነት በአግባቡ ሊወጣ ይገባል ሲሉ አሳስበዋል፡፡

በዕለቱ የሰንደቅ ዓላማ ምንነትና ታሪካዊ አመጣጥ እንዲሁም ፉይዳውን አስመልክቶ ግንዛቤ የሚፈጥር የመወያያ ፅሑፍ ቀርቧል፡፡ በፅሑፉ ሰንደቅ ዓላማ በኢትዮጵያ መቼና እንዴት ተጀመረ ፣ፅንሰ ሀሳቡስ ምን ይመስላል፣የኢፌዴሪ ሰንደቅ ዓላማ ካለፉት በምን ይለያል፣ ያስገናቸው ጠቀሚታዎችስ ምንድን ናቸው የሚሉ ርዕሰ ጉዳዮች ቀርበው በስፉት የተብራሩ ሲሆን አሁን ለተገኘው ሰላም፣ ልማትና መልካም አስተዳደር የኢትዮጵያ ብሔሮች፣ ብሔረሰቦችና ህዝቦች በከፈሉት መስዋትነት የተገኙ ድሎች እንደሆኑም ተገልጿል፡፡ በአጠቃላይ ሰንደቅ ዓላማ የአንድ ሀገር መንግሥትና ሕዝብ ሉዓላዊነት፣ የፖለቲካ ሥልጣንና ነፃነት፣ ዕድገትና ማኅበረሰባዊ ትስስር የሚፈጠርበት መሣሪያ ወይም መግለጫ በመሆኑ ዜጎች በአግባቡ ተረድተው ሰንደቅ ዓላማውን መጠበቅና ለተተኪው ትውልድ ማስረከብ እንዳለባቸው ግንዛቤ ተፈጥሯል፡፡

ለሶስት ቀናት በተካሄደው የፎረሙ መደበኛ ስብሰባ ላይ የተሳተፉት አባላት የጥቃቅንና አነስተኛ ኢንተርፕራይዞች የማምረቻ ሼዶችን፣ በዘርፉ ተደራጅተው ውጤታማ የሆኑ አንቀሳቃሾችን፣ ከትላልቅ ኢንዱስትሪዎች ጋር እየተከናወኑ ያሉ የገበያ ትስስር ስራዎችንና የቴክኒክና ሙያ ትምህርትና ስልጠና ኮሌጆችን እንቅስቃሴ ውቅሮና በመቐለ ከተሞች በመዘዋወር ጎብኝተዋል፡፡ ከዚህም በተጨማሪ የትግራይ ክልል የጥቃቅንና አነስተኛ ኢንተርፕራይዞች ልማት ኤጀንሲ እና የደደቢት ማይክሮ ፋይናንስ የህዝብ ግንኙነትና ኮሙኒኬሽን ተቋማት ተሞክሮዎቻቸውን አቅርበዋል፡፡

በመጨረሻም የኤጀንሲው አመራርና ሰራተኞች ቀኑን በማስመልከት ሀገሪቱ ከድህነትና ኋላቀርነት ተላቃ በልማትና በዴሞክራሲ ጎዳና እንድትጓዝ በማድረግ የኢትዮጵያን ህዳሴ ለማስቀጠል ዝግጁ መሆናቸውን ቃለ መሃላ በመፈፀም የሰንደቅ ዓላማ መስቀል ስነ-ስርዓት ተከናውነኗል፡፡ _________________________________________

4ኛው የፌዴራል እና የክልል የጥቃቅንና አነስተኛ ኢንተርፕራይዞች ልማት ዘርፍ ተቋማትና ባለድርሻ አካላት የህዝብ ግንኙነት አካላት ፎረም በመቐለ ከተማ ተካሄደ፡፡ የህዝብ ግንኙነት ስራ የሀገራችን ልማት በሰፊ ህዝባዊ ተሳትፎ ላይ እንዲመሰረት ትልቁን ድርሻ ይወስዳል፡፡ እስካሁን የህዝብ ግንኙነት መዋቅር የሌላቸውንና መዋቅሩ ኖሯቸው በበቂ የሰው ሃይልና ቁሳቁስ ያልተደራጁ የዘርፉን ተቋማት ማጠናከር ወሳኝ መሆኑ ተገልጿል፡፡

(ከነሐሴ 14 እስከ 16/2007 ዓ.ም)- በመቐለ ከተማ የተካሄደውን የፎረም ስብሰባ በንግግር የከፈቱት የትግራይ ክልል የቴክኒክና ሙያ ትምህርትና ስልጠና ቢሮ ሃላፊ አቶ ሳህለስላሤ ተካ በንግግራቸው የጥቃቅንና አነስተኛ ኢንተርፕራይዞች ልማት በተለይም በስራ ዕድል ፈጠራው የተሳካ ጉዞ የሃገሪቱን የስራ አጥ እና የድህነት ምጣኔ በጉልህ መቀነስ እንደቻለ ጠቅሰዋል፡፡

በተለይም ለኢንዱስትሪያላይዜሽኑ ስኬት ለማኑፋክቸሪንግ ዘርፉ ትልቅ ትኩረት በመስጠት ሰፋፊ ስራዎች በመሰራት ላይ መሆናቸውን ገልፀዋል፡፡ የህዝብ ግንኙነት ስራ የህዝብና የመንግስት አይንና ጆሮ የመሆንን ተልዕኮ እንደመያዙ የሀገራችንን ልማት በሰፊ ህዝባዊ ተሳትፎ ላይ እንዲመሰረት ትልቁን ድርሻ ይወስዳል ያሉት አቶ ሳህለስላሤ ይህንኑ ተልዕኮ በሚፈለገው መጠን ለመፈፀም ተቋማት በተናጠል ከሚያደርጉት እንቅስቃሴ ባሻገር በዚህ መሰል ፎረም በመሰባሰብ ለጋራ አላማ መንቀሳቀሳቸው የስኬት ጉዞውን ይበልጥ ያፋጥነዋል ብለዋል፡፡

በፎረሙ ከሱማሌ ክልል በስተቀር ከሁሉም ክልሎችና ከሁለቱ የከተማ አስተዳደሮች የተውጣጡ የጥቃቅንና አነስተኛ፣ የቴክኒክና ሙያ ትምህርትና ስልጠና እንዲሁም የማይክሮ ፋይናንስ ተቋማት የህዝብ ግንኙነት ሃላፊዎችና የመንግስት ኮሙኒኬሽን ጉዳዮች ፅ/ቤት የህዝብ ግንኙነት ሃላፊዎች ተገኝተዋል፡፡ በፎረሙ 4ኛ መደበኛ ስብሰባ የ2007 በጀት አመት የሁሉም ተቋማት አፈፃፀም ቀርቦ ውይይት የተካሄደበት ሲሆን በእቅድ አፈጻፀሙ ላይ ያጋጠሙ ማነቆዎችና የመፍትሄ አቅጣጫዎቻቸው ላይ ውይይት ተደርጓል፡፡ በሌላ በኩል ከሁለተኛው የዕድገትና ትራንስፎርሜሽን እቅድ ጋር የተገናዘበና በፌዴራል የጥቃቅንና አነስተኛ ኢንተርፕራይዞች ልማት ኤጀንሲ የተዘጋጀ የዘርፉ የህዝብ ግንኙነት ረቂቅ ዕቅድ ቀርቦ ውይይት ተካሄዶበታል፡፡
የፌዴራል የጥቃቅንና አነስተኛ ኢንተርፕራይዞች ልማት ኤጀንሲ የህዝብ ግንኙነትና ኮሙኒኬሽን ዳይሬክቶሬት ዳይሬክተር አቶ አሰፋ ፈረደ ይህንን የፎረሙን መደበኛ ስብሰባ በተሳካ ሁኔታ ያዘጋጁትን የትግራይ ክልል የጥቃቅንና አነስተኛ ኢንተርፕራይዞች ልማት ኤጀንሲ፣ የቴክኒክና ሙያ ትምህርትና ስልጠና ኤጀንሲ እንዲሁም የደደቢት ማይክሮ ፋይናንስ ተቋማትን አመስግነው ይህ ፎረም ከጊዜ ወደ ጊዜ እየተጠናከረ መምጣቱንና ገልፀው ዘርፉ ከያዘው ሃገራዊ ተልዕኮ አንጻር በመረጃ ፍሰትና ህዝባዊ ተሳትፎን በማረጋገጥ ረገድ እየተሰራ ያለው ስራ አሁንም መጠናከር እንደሚገባው አሳስበዋል፡፡ በተለይም እስካሁን የህዝብ ግንኙነት አካላት የሌላቸውንና ቢኖራቸውም በበቂ የሰው ሃይልና ቁሳቁስ ያልተደራጁ የዘርፌ አስፈፃሚ ተቋማትን ማጠናከር ወሳኝ መሆኑን ገልፀዋል፡፡

ለሶስት ቀናት በተካሄደው የፎረሙ መደበኛ ስብሰባ ላይ የተሳተፉት አባላት የጥቃቅንና አነስተኛ ኢንተርፕራይዞች የማምረቻ ሼዶችን፣ በዘርፉ ተደራጅተው ውጤታማ የሆኑ አንቀሳቃሾችን፣ ከትላልቅ ኢንዱስትሪዎች ጋር እየተከናወኑ ያሉ የገበያ ትስስር ስራዎችንና የቴክኒክና ሙያ ትምህርትና ስልጠና ኮሌጆችን እንቅስቃሴ ውቅሮና በመቐለ ከተሞች በመዘዋወር ጎብኝተዋል፡፡ ከዚህም በተጨማሪ የትግራይ ክልል የጥቃቅንና አነስተኛ ኢንተርፕራይዞች ልማት ኤጀንሲ እና የደደቢት ማይክሮ ፋይናንስ የህዝብ ግንኙነትና ኮሙኒኬሽን ተቋማት ተሞክሮዎቻቸውን አቅርበዋል፡፡

ይህ የዘርፌ የህዝብ ግንኙነት ፎረም በሃገር አቀፍ ደረጃ የሚከናወኑ የጥቃቅንና አነስተኛ ኢንተርፕራይዞች ልማት ስራዎችን በተቀናጀ የህዝብ ግንኙነት አግባብ በመደገፍ የህብረተሰቡን ተሳትፎና ተጠቃሚነት ለማጎልበት እንዲቻል ሐምሌ 25/2005 ዓ.ም በፌዴራልና የክልል የዘርፉ ተቋማት መካከል መመስረቱ ይታወቃል፡፡ _________________________________________

ምርታቸውን በተስማሚነት ምዘና ያስፈተሹ በአግሮ ፕሮሰሲንግ ንዑስ ዘርፍ የተሰማሩ የጥቃቅንና አነስተኛ አምራች ኢንተርፕራይዞች የእውቅና ሰርትፍኬት አገኙ

(ነሀሴ 15/2007ዓ.ም) - በፌዴራል የጥቃቅንና አነስተኛ ኢንተርፕራይዞች ልማት ኤጀንሲ በአግሮ ፕሮሰሲንግ ንዑስ ዘርፍ ለመጀመሪያ ጊዜ ምርታቸው በኢትዮጵያ ተስማሚነት ምዘና ኤጀንሲ የምርት ፍተሻ ሂደት ደረጃውን አሟልተው ለተገኙ 22 አምራች ኢንተርፕራይዞች ነሀሴ 14/2007 ዓ.ም በፌዴራል የጥቃቅንና አነስተኛ ኢንተርፕራይዞች ልማት ኤጀንሲ የመሰብሰቢያ አዳራሽ የእውቅናና የምስክር ወረቀት አሰጣጥ ስነ-ስርዓት ተካሄደ፡፡

ፕሮግራሙን በንግግር የከፈቱት የኤጀንሲው ዋና ዳይሬክተር አቶ ገ/መስቀል ጫላ እንደተናገሩት ኤጀንሲው ከኢትዮጵያ ተስማሚነት ምዘና ኤጀንሲ ጋር በመተባበር ምግብና መጠጥን ጨምሮ አስገዳጅ በሆኑ ምርቶች ላይ ኢንተርፕራይዞች ምርታቸውን በማስፈተሽ ጥራታቸውን የጠበቁ ምርቶችን አምርተው ሰፊ የገበያ ዕድል መፍጠር እንዲችሉ በተደረገው እንቅስቃሴ 22 ኢንተርፕራይዞች የምዘና ሂደቱን ማለፍ ችለዋል፡፡ ለአንድ አመት ሲከናወን በቆየው የምርት ምዘና ሂደት ኢንተርፕራይዞች ውጤታቸውን ማየት የተቻለበት በመሆኑ በቀጣይ ኤጀንሲው በስፋት የሚሰራበት እንደሚሆን ዋና ዳይሬክተሩ ገልፀዋል፡፡

በእውቅና ፕሮግራሙ ላይ የተገኙት የኢትዮጵያ ተስማሚነት ምዘና ኤጀንሲ ዋና ስራ አስኪያጅ አቶ ተሻለ በልሁ በበኩላቸው አገሪቱ ወደ ኢንዱስትሪ መር ለመግባት በምታደርገው ጉዞ የአነስተኛ ኢንዱስትሪው ዘርፍ ሰፊ መሰረት በመሆኑ የጥቃቅንና አነስተኛ ኢንተርፕራይዞች ጥራቱን የጠበቀ ምርት አምርተው በዓለም ገበያ በስፋት መግባትና ወደ አነስተኛ ኢንዱስትሪ መሸጋገር ይኖርባቸዋል ብለዋል፡፡ በዕለቱ በምርት ፍተሻ ሂደቱ ወቅት የነበረውን አጠቃላይ እንቅስቃሴ የሚገልፅ አጭር ሪፖርት ያቀረቡት በኤጀንሲው የአግሮ ፕሮሰሲንግ ንዑስ ዘርፍ ዳይሬክቶሬት ዳይሬክተር አቶ በለጠ ባላ በሀገር አቀፍ ደረጃ በተስማሚነት ምዘና ምርታቸውን እንዲያስፈትሹ 81 ኢንተርፕራይዞች የተመረጡ ቢሆንም ግንዛቤ ካለመኖርና በሌሎች ምክንያቶች 25 ኢንተርፕራይዞች ብቻ ምርታቸውን ለማስፈተሽ ቀርበው 22 ኢንተርፕራይዞች ደረጃውን ማለፍ እንደቻሉ ገልፀዋል፡፡ በምርት ማዘና ሂደቱ የነበሩ ጠንካራና ጎኖች ፣ተግዳሮቶችና በቀጣይ ትኩረት የሚሹ ጉዳዩች በዝርዝር ቀርበው ውይይት ተደርጎበታል፡፡

በፕሮግራሙ ላይ የተገኙ ተሸላሚ ኢንተርፕራይዞች በሰጡት አስተያየት ምርታቸው ለዚህ ደረጃ መብቃቱ ለበለጠ ውጤት የሚያነሳሳ መሆኑን ገልፀው፣ ለስራቸው አስፈላጊ የሆኑ ድጋፎች ተጠናክረው መቀጠል እንዳለባቸው ጠይቀዋል፡፡፡ _________________________________________

የኤጀንሲው አመራርና ሰራተኞች የችግኝ ተከላ አካሄዱ፡፡

(ቀን ነሐሴ 04/ 2007 ዓ.ም) - የጥቃቅንና አነስተኛ ኢንተርፕራይዞች ልማት ኤጀንሲ አመራርና ሰራተኞች በአቃቂ ወረዳ ልዩ ቦታው እንስላሌ ተራራ ተብሎ በሚጠራው አካባቢ ቅዳሜ ነሐሴ2/2007 ዓ.ም የችግኝ ተከላ አካሄዱ፡፡

የኤጀንሲው የህዝብ ግንኙነትና ኮሙኒኬሽን ዳሬክቶሬት ተወካይ አቶ ደረጀ ለማ ሀገራችን የምትከተለው የአረንጓዴ ልማት ፖሊሲ አካል በሆነው የችግኝ ተከላ መርሃ ግብር ላይ የኤጀንሲው አመራርና ሰራተኞች በየአመቱ በንቃት ሲሳተፉ መቆየታቸውን አስታውሰው የኤጀንሲው ማህበረሰብ ከዚህ አንፃር ያለበትን ሀገራዊ ሃላፊነት ለመወጣት ዘንድሮም በተመሳሳይ በችግኝ ተከላ መርሃ ግብሩ ላይ መሳተፉን አብራርተዋል፡፡

የቀድሞው ጠቅላይ ሚኒስትር አቶ መለስ ዜናዊ የአረንጓዴ ልማት ራዕይ ለማስቀጠል የኤጀንሲው ማህበረሰብ ያለውን ቁርጠኝነት የሚያሳይበት የሚያረጋግጥበት አንዱ ማሳያ በመሆኑ የችግኝ ተከላ መርሃ ግብሩ በቀጣዮቹ አመታት ተጠናክሮ እንደሚቀጥል አቶ ደረጀ ገልፀው በሌላ በኩል በማህበረሰባችን የበጎ ፈቃደኝነት ልምድ እንዲዳብር ለማድረግ እንደዚህ አይነት ሁነቶች ትልቅ ድርሻ እንዳላቸው ጠቁመዋል፡፡

በኦሮሚያ ክልል በፊንፊኒ ዙሪያ ልዩ ዞን፣ በእንስላሌ ተራራ ላይ በተካሔደው በዚህ የችግኝ ተከላ መርሃ ግብር የፌደራል ኤጀንሲውን ጨምሮ በርካታ ተቋማት ተሳታፊ የሆኑ ሲሆን በዕለቱም ከ5 መቶ ሺህ በላይ ችግኞች እንደተተከሉ ከአስተባባሪ ኮሚቴው ያገኘነው መረጃ ያስረዳል፡፡

 

Important Links:

History:

Etege Menen

Empress Menen Asfaw wife and consort of Emperor Haile Selassie I of Ethiopia wearing Ethiopian handmade cloths.

Advertisement

advertisement .